વાંકાનેરના વધાસીયા ગામની સીમમાં આવેલ જમીન અમને જ વેચજો તેમ કહીને બે શખ્સોએ વૃદ્ધને માર માર્યો હોવાની ફરિયાદ વાંકાનેર સીટી પોલીસ મથકમાં નોંધાઈ છે
જમીન વેચ તો અમને જ વેચ જે નહીતર ગામ છોડી જતા રહેવાની ધમકી આપી વૃદ્ધને માર માર્યો
વાંકાનેરના વધાસીયા ગામની સીમમાં આવેલ જમીન અમને જ વેચજો તેમ કહીને બે શખ્સોએ વૃદ્ધને માર માર્યો હોવાની ફરિયાદ વાંકાનેર સીટી પોલીસ મથકમાં નોંધાઈ છે
મળતી માહિતી મુજબ વાંકાનેરના જુના વધાસીયા ગામે રહેતા મામદભાઈ મીરાજીભાઈ માથકીયા (ઉ.૭૦) એ વાંકાનેર સીટી પોલીસમાં ફરિયાદ નોંધાવી છે કે તેની ખેતીની જમીન વર્ધમાન કારખાના સામે વધાસીયાની સીમમાં છવીસ વિધા જમીન આવેલ છે તે જમીન આરોપી ખેંગારસિંહ હઠીસિંહ ઝાલા તથા ભગત ખેંગારસિંહ ઝાલા રહે-બંને જુના વઘાસીયા એ અમને જ જમીન વેચજો તેમ કહેતા ફરિયાદી મામદભાઈ એ હાલ જે જમીનના ભાવ હાલે છે તે ભાવ મુજબ જે પણ અમને પૈસા આપે તેને જમીન વેચશું તેમ કહેતા આરોપીઓને સારું નહિ લાગતા ગાળો બોલતા ફરિયાદી મામદભાઈ એ ગાળો બોલવાની નાં પાડતા આરોપી ખેંગારસિંહ ઝાલા અને ભગત ઝાલાએ લાફા મારી કાન પર ઘાક બેસી જતા કાને તથા ગાલ પર મુંઢ ઈજા કરી ફરિયાદી મામદને જમીન વેચ તો અમને જ વેચજે નહીતર ગામ છોડી જતા રહેવાની તેમજ જાનથી મારી નાખવાની ધમકી આપી હોવાની ફરિયાદ નોંધાવી છે
