ઇન્ડિયન પ્રિમિયર લીગ 2023ની 48મી મેચમાં ડિફેન્ડિંગ ચેમ્પિયન ગુજરાત ટાઇટન્સે ગયા વર્ષના ફાઇનલિસ્ટ રાજસ્થાન રોયલ્સને 9 વિકેટથી હરાવ્યું હતું. ગુજરાતે 119 રનનો ટાર્ગેટ 13.5 ઓવરમાં મેળવી લીધો હતો. જયપુરમાં IPLમાં રાજસ્થાનની આ સૌથી મોટી હાર છે. ગુજરાત ટાઇટન્સે 37 બોલ બાકી રહેતા મેચ જીતી લીધી હતી. અગાઉ, કોલકાતા નાઈટ રાઈડર્સે 2019માં 140 રનના લક્ષ્યનો પીછો કરતા 37 બોલ બાકી રહીને જીત મેળવી હતી.
બંને ટીમો વચ્ચેની છેલ્લી મેચ રાજસ્થાન રોયલ્સે 3 વિકેટે જીતી હતી. ગુજરાત ટાઇટન્સની જીતમાં બોલરોએ મહત્વની ભૂમિકા ભજવી હતી. રાશિદ ખાન અને નૂર અહેમદે રાજસ્થાન રોયલ્સના બેટ્સમેનોને ટકી રહેવા દીધા ન હતા. બંનેએ કુલ 5 વિકેટ ઝડપી હતી. રાજસ્થાનની ટીમ 17.5 ઓવરમાં માત્ર 118 રન જ બનાવી શકી હતી. આ સિઝનનો આ બીજો સૌથી ઓછો સ્કોર છે.
રાશિદ ખાને પોતાની 4 ઓવરમાં 14 રન આપીને 3 વિકેટ લીધી હતી. નૂર અહેમદે 3 ઓવરમાં 25 રન આપીને 2 વિકેટ લીધી હતી. 119 રનનો પીછો કરતા રિદ્ધિમાન સાહા અને શુભમન ગીલે ગુજરાત ટાઇટન્સને શાનદાર શરૂઆત અપાવી હતી. બંનેએ પ્રથમ વિકેટ માટે 71 રન જોડ્યા હતા. ગિલ 36 રન બનાવીને આઉટ થયો હતો. આ પછી કેપ્ટન હાર્દિક પંડ્યા આવ્યો અને ઝડપી બેટિંગ કરીને ગુજરાતને જીત અપાવી. હાર્દિક પંડ્યાએ 15 બોલમાં 39 રનની ઇનિંગ રમી હતી. પંડ્યાએ પોતાની ઇનિંગમાં 3 ફોર અને 3 સિક્સર ફટકારી હતી. તેણે એડમ ઝમ્પાની એક ઓવરમાં સતત ચાર બોલમાં ત્રણ સિક્સર અને 1 ફોર ફટકારી હતી.
IPL 2023: ક્વિન્ટન ડિકોકથી લઇને જો રૂટ સુધી, કરોડોમાં ખરીદાયેલા આ ખેલાડીઓ નથી રમવા મળી એક પણ મેચ
IPL 2023: ભારતમાં આ દિવસોમાં IPLની 16મી સીઝન રમાઈ રહી છે. હવે લીગમાં અડધાથી વધુ મેચો રમાઈ ચૂકી છે. ટુર્નામેન્ટની શરૂઆતમાં ઘણી મેચો ચૂકી ગયા પછી ઘણા ખેલાડીઓ તેમની ફ્રેન્ચાઇઝી સાથે જોડાયેલા હતા. IPL 2023માં એવા ઘણા ખેલાડીઓ છે જે કરોડોમાં વેચાયા હતા પરંતુ અત્યાર સુધી તેમની ટીમ માટે એક પણ મેચ રમી નથી. લીગમાં 47 મેચ રમાઈ છે પરંતુ આ ખેલાડીઓ હજુ પણ પ્લેઇંગ ઇલેવનમાં સ્થાન મેળવી શક્યા નથી. આ ખેલાડીઓમાં ક્વિન્ટન ડિકોક, જો રૂટ, દાસુન શનાકા અને શિવમ માવીનો સમાવેશ થાય છે.
