પાટણ માં કપાસ ના વાવેતરમાં સતત વરસાદથી નુકસાનથી ખેડૂતોમાં ચિંતા પાટણ જીલ્લા માં ખેતરોમાં વરસાદી પાણી ભરાઈ રહેતાં કપાસના છોડ પીળા પડી ગયા દર વર્ષે સરસ્વતી તાલુકાના ખેડૂતો દ્વારા સૌથી વધુ કપાસનુ વાવેતર કરાય છે પરંતુ ચાલુ સિઝન દરમિયાન વાવેતરમાં ઘટાડો થયો છે વધુમાં સતત વરસાદના કારણે કપાસની માવજત ન થઈ શકતા વધી પડેલ ખડ અને વરસાદી પાણી ભરાતા તેના કારણે કપાસના છોડ પીળા પડી ગયા છે તેમજ નવા કાલા ખરી પડવા વગેરેની ખેડૂતોમાં ચિંતાનો વિષય બન્યો છે પાટણ તાલુકાના ખારેડા ગામના ખેડૂત પ્રહલાદજી રામચંદજી ઠાકોરે જણાવ્યુ કે ચાલુ સીઝનમાં 7 વિઘા કપાસનુ વાવેતર કર્યુ છે તેમા 3 વિઘા કપાસના ખેતરમાંવરસાદી પાણી ભરાઇ રહેતા કપાસના છોડ પીળા પડી ગયા છે હવે કેટલો કપાસ બચશે તે નક્કી નથી કપાસનું વાવેતર થયા બાદ સતત વરસાદ ચાલુ રહેતા કપાસ વાળા ખેતરમાં એક તરફ નીંદામણ વધી ગયું છે અને બીજી તરફ વરસાદી પાણી ભરાઇ રહેવાથી ચિંતા વધી છે ભાટસણ સેજાના ખેતીવાડી ગ્રામ સેવક રાયમલભાઇ પરમારે જણાવ્યું કે સરસ્વતી તાલુકામાં ગત વર્ષે 3990 હેક્ટર કપાસનું વાવેતર થયું હતુ ચાલુ સીઝનમાં 3815 હેક્ટર જમીન વિસ્તારમાં કપાસનું વાવેતર થયું છે તે ગત વર્ષ કરતા 175 હેક્ટર વાવેતર ઘટ્યું છે
