જામનગર જીલ્લાના જામજોધપુર તાલુકાના વાંસજાળિયા ગામે ગઈ કાલે દરોડો પાડી પાંચ સખ્સોને જાહેરમાં તીનપતિનો જુગાર રમતા પકડી પાડ્યા છે. પોલીસે પાંચેય આરોપીઓના કબ્જામાંથી રૂપિયા બાર હજાર ઉપરાંતની રોકડ કબજે કરી જુગારધારા મુબજ કાર્યવાહી કરી અટકાયત કરી હતી. જામનગર જીલ્લાના જામજોધપુર તાલુકા મથકથી ૩૫ કિમી દુર આવેલ વાંસજાળિયા ગામે ગઈ કાલે પોલીસે રેલ્વેના પાટાની સામે મીલની બાજુમા ખુલ્લા પટ્ટમા દરોડો પાડ્યો હતો જેમાં જાહેરમાં જુગાર રમતા ગોગનભાઇ કાનાભાઇ સીતાપરા રહે રેસ્વે સ્ટેશન પાસે વાંસજાળીયાગામ તા.જામજોધપુર જી.જામનગર, શૈલેષભાઇ સુભાષભાઇ વાવેચા રહે સોસાયટી વિસ્તાર બાલવાગામ તા.જામજોધપુર જી.જામનગર, અશોકભાઇ મનસુખભાઇ વાધેલા રહે રેલ્વે સ્ટેશન પાસે બાલવાગામ તા.જામજોધપુર જી.જામનગર, રાજેશભાઇ મનજીભાઇ વાવેચા રહે રેલ્વે સ્ટેશન પાછળ ન્યુ સોસાયટી બાલવાગામ તા.જામજોધપુર જી.જામનગર, વિજયભાઇ દામજીભાઇ ચૈાહાણ રહે સોસાયટી વિસ્તાર બાલવાગામ તા.જામજોધપુર જી.જામનગર વાળા સખ્સોને પકડી પાડ્યા હતા. પોલીસે આ આરોપીઓને જાહેરમાં ગંજીપતાના પાના વડે તીનપતી રોન પોલીસ નામનો જુગાર રમી પૈસાની હારજીત કરતા પકડી પાડ્યા હતા. પોલીસે આ સખ્સોના કબ્જા માંથી રૂપિયા ૧૨૧૦૦ની રોકડ કબજે કરી આગળની કાર્યવાહી હાથ ધરી હતી.
