ચીનની સરકાર સાથે પંગો લઈને મુશ્કેલીઓનો સામનો કરી રહેલા દિગ્ગજ ઉદ્યોગપતિ અને ચીનની દિગ્ગજ ઈ-કોમર્સ કંપની અલીબાબા ગ્રુપના સ્થાપક જેક મા ઘણા વર્ષો ગાયબ રહ્યા બાદ હવે સામે આવ્યા છે. જેક મા ચીન છોડીને જાપાનમાં સ્થાયી થયા છે, જ્યાં તેઓ નવી નોકરીમાં જોડાયા છે. જેક મા ટોક્યો કોલેજમાં ગેસ્ટ લેક્ચરર હશે, જે ટોક્યોની પ્રતિષ્ઠિત યુનિવર્સિટીની સંશોધન સંસ્થા છે.
સોમવારે આ માહિતી આપતા યુનિવર્સિટીએ કહ્યું કે જેક મા ટકાઉ કૃષિ અને ખાદ્ય ઉત્પાદનમાં સંશોધન કરશે. જેક મા એક પરોપકારી સંસ્થા જેક મા ફાઉન્ડેશનના વડા પણ છે. તેમાં વધુમાં જણાવ્યું કે તે વિદ્યાર્થીઓ અને શિક્ષકગણ સાથે “ઉદ્યોગ સાહસિકતા, કોર્પોરેટ મેનેજમેન્ટ અને નવીનતા અંગેનો તેમનો સમૃદ્ધ અનુભવ અને અગ્રણી જ્ઞાન” શેર કરશે.
યુનિવર્સિટીએ જણાવ્યું કે તેમની નિમણૂક સોમવારે શરૂ થઈ અને ઓક્ટોબરના અંત સુધી ચાલશે. જેક માએ 1990ના દાયકામાં ઈ-કોમર્સ ફર્મ અલીબાબાની સ્થાપના કરી હતી અને તે એક સમયે ચીનના સૌથી ધનિક વ્યક્તિ હતા.
ચાઇનીઝ રેગ્યુલેટર્સે 2020માં અલીબાબા ગ્રૂપના નાણાકીય સંલગ્ન એન્ટ ગ્રૂપ દ્વારા IPO માટેની યોજનાને રોકી દીધી હતી. આ સિવાય અલીબાબાને પણ તપાસના સ્કેનર હેઠળ લાવવામાં આવ્યા હતા. આવું ત્યારે થયું જયારે તેમણે શાંઘાઈમાં ભાષણ દરમિયાન ચીનના નિયમનકારો અને નાણાકીય વ્યવસ્થાની ટીકા કરી હતી.
