વડાપ્રધાન નરેન્દ્ર મોદીએ કહ્યું કે ગુજરાત હંમેશા આતંકવાદને ખતમ કરવા ઈચ્છે છે. ગુજરાતમાં ભાજપ સરકારે આતંકવાદીઓના સ્લીપર સેલ પર સકંજો કસી દીધો છે. વડાપ્રધાન નરેન્દ્ર મોદીએ કહ્યું, ‘અમે આતંકવાદીઓ વિરુદ્ધ કાર્યવાહી કરતા હતા. કોઈ એ ભૂલી શકે નહીં કે કેન્દ્રની કોંગ્રેસ સરકાર તે આતંકવાદીઓને છોડાવવા માટે કામ કરતી હતી.’
વડાપ્રધાન નરેન્દ્ર મોદીએ કહ્યું, ‘અમે તેમને આતંકવાદને નિશાન બનાવવા કહ્યું હતું પરંતુ કોંગ્રેસ સરકારે મોદીને નિશાન બનાવ્યા. પરિણામે, આતંકવાદીઓ નિર્ભય બની ગયા અને મોટા શહેરોમાં આતંકવાદને સ્થાન મળ્યું.’
દિલ્હીના બાટલા હાઉસ એન્કાઉન્ટરનો ઉલ્લેખ કરતા પીએમ મોદીએ કહ્યું, ‘યાદ કરો, એક કોંગ્રેસ નેતા આતંકવાદીઓના સમર્થનમાં રડવા લાગ્યા હતા. કોંગ્રેસ આતંકવાદને વોટ બેંક અને તુષ્ટિકરણના ચશ્માથી જુએ છે.’ પીએમ મોદીએ કહ્યું, ‘માત્ર કોંગ્રેસ જ નહીં, હવે એવી ઘણી પાર્ટીઓ છે જે સત્તામાં આવવા માટે તુષ્ટિકરણનો રસ્તો અપનાવી રહી છે.’
19 સપ્ટેમ્બર, 2008ના રોજ દિલ્હીના જામિયા નગર વિસ્તારમાં ઇન્ડિયન મુજાહિદ્દીનના આતંકવાદીઓ સાથે બાટલા હાઉસમાં એન્કાઉન્ટર થયું હતું. તે સૌથી વિવાદાસ્પદ એન્કાઉન્ટરોમાંનું એક હતું. કોંગ્રેસના દિગ્ગજ નેતાઓએ આ એન્કાઉન્ટર પર સવાલો ઉઠાવ્યા હતા. કોંગ્રેસના નેતા દિગ્વિજય સિંહ આ એન્કાઉન્ટરને નકલી ગણાવી રહ્યા છે. પૂર્વ કેબિનેટ મંત્રી સલમાન ખુર્શીદે તો ત્યાં સુધી કહ્યું હતું કે મૃતકોની તસવીર જોઈને સોનિયા ગાંધી રડી પડ્યા હતા. બાદમાં તેમણે પોતાનો સુર બદલ્યો અને કહ્યું કે સોનિયા રડી ન હતી, તે ભાવુક થઈ ગઈ હતી.
