Googleએ AI અવતાર સ્ટાર્ટઅપ Alter ખરીદ્યું છે. રિપોર્ટ અનુસાર, Alterએ વિડિયો ક્રિએટર્સ માટે AI- આધારિત અવતાર છે. અલ્ટર ચાઈનીઝ શોર્ટ વીડિયો એપ ટિકટોક જેવું જ છે. એવું કહેવામાં આવી રહ્યું છે કે Googleએ ઓલ્ટરને 100 મિલિયન ડોલર એટલે કે લગભગ 825 કરોડ રૂપિયામાં ખરીદ્યું છે. માઈક્રોબ્લોગિંગ સાઈટ ટ્વિટર પણ ઓલ્ટરમાં રોકાણ કરે છે.
એક વરિષ્ઠ Alter અધિકારીએ LinkedIn પર આ ડીલ વિશે માહિતી આપી છે, જો કે, Google દ્વારા ડીલની પુષ્ટિ કરવામાં આવી છે પરંતુ હજુ સુધી ડીલની રકમ વિશે કોઈ સત્તાવાર નિવેદન જારી કરવામાં આવ્યું નથી. Alterના ભૂતપૂર્વ સીઓઓ જોનાથન સ્લિમેકે ગત મહિને Googleના કર્મચારી તરીકે તેની લિંક્ડઇન પ્રોફાઇલ અપડેટ કરી હતી. Alterની શરૂઆત ફેસમોજી તરીકે થઈ, જે ગેમ્સ અને એપ્સમાં અવતાર બનાવે છે. Googleએ હાલમાં જ પોતાની ચેટ એપમાં કસ્ટમ ઈમોજીનું ફીચર પણ આપ્યું છે.
કહેવામાં આવી રહ્યું છે કે, Googleએ આ ડીલ યુટ્યુબ શોર્ટ્સ માટે કરી છે. મેટાના ઇન્સ્ટાગ્રામ રીલ્સ અને ફેસબુક રીલ્સની સફળતા બાદ, Google યુટ્યુબ શોર્ટ્સ પર ધ્યાન કેન્દ્રિત કરી રહ્યું છે. આવનારા સમયમાં YouTube શોર્ટ્સ TikTok સાથે સ્પર્ધા કરવા જઈ રહ્યું છે. સુરક્ષા કારણોસર ભારતમાં વર્ષ 2020માં TikTok પર પ્રતિબંધ મૂકવામાં આવ્યો હતો.