વૈશ્વિક ઓટોમોબાઈલ કંપની ફોર્ડે તેના ઈલેક્ટ્રિક વાહનને અલગ બિઝનેસ તરીકે ચલાવવાનું નક્કી કર્યું છે. કંપનીએ કહ્યું કે તેની યોજનામાં બે અલગ અલગ ઓટોમોબાઈલ બિઝનેસનો સમાવેશ થાય છે. આમાંથી, ફોર્ડ બ્લુ પેટ્રોલ અને ડીઝલ દ્વારા સંચાલિત કમ્બશન એન્જિન દ્વારા સંચાલિત વાહનો પર ધ્યાન કેન્દ્રિત કરશે અને ઇલેક્ટ્રિક વાહનો ફોર્ડ મોડલ E સાથે ડેવલપ કરાશે.
કંપનીના CEO જિમ ફાર્લેએ એક નિવેદનમાં જણાવ્યું હતું કે અમે બે અલગ-અલગ પરંતુ પરસ્પર નિર્ભર વ્યવસાયો બનાવી રહ્યા છીએ જે અમને સ્ટાર્ટઅપ તરીકે સ્પિડ અને નવીનતા આપશે. કંપની પહેલેથી જ Ford GT, Mustang Mach E SUV અને F-150 જેવા ઇલેક્ટ્રિક વાહનો ડેવલપ કરી રહી છે. ચીનમાં તેનું EV ડિવિઝન પણ છે.
પેટ્રોલ, ડીઝલ એન્જીન અને ઇલેક્ટ્રિક વાહનોમાં તેના કોમર્શિયલ અને સરકારી ગ્રાહકોની જરૂરિયાતો પૂરી કરવા માટે કંપની પાસે ફોર્ડ પ્રોના રૂપમાં આઉટલેટ્સ પણ છે. આમાં ફોર્ડ સિવાયની કંપનીઓના ઉત્પાદનો માટે સોફ્ટવેર, ફાઇનાન્સિંગ અને ચાર્જિંગ જેવી સેવાઓ પૂરી પાડવામાં આવે છે. ફોર્ડ, જનરલ મોટર્સ અને વોલ્વો જેવી મોટી ઓટોમોબાઈલ કંપનીઓ EV સેગમેન્ટમાં તેમનો હિસ્સો વધારવાનો પ્રયાસ કરી રહી છે. આ કંપનીઓ માટે સૌથી મોટી હરીફ ટેસ્લા છે. અમેરિકન કંપની ફોર્ડ આર્ટિફિશિયલ ઈન્ટેલિજન્સ, બેટરી કેમિસ્ટ્રી અને ઈવી સોફ્ટવેર જેવા કોન્સેપ્ટ્સ પર કામ કરવા માટે એન્જિનિયરોને હાયર કરવાની પણ યોજના ધરાવે છે.
ફોર્ડ પણ EV સાથે ભારતીય બજારમાં ફરી બિઝનેસ શરૂ કરવાની યોજના ધરાવે છે. ફોર્ડે ગયા વર્ષે ભારતમાંથી પોતાનો બિઝનેસ બંધ કરી દીધો હતો. કંપની ભારતને EVs ઉત્પાદન અને નિકાસ માટે હબ બનાવવાનું વિચારી રહી છે. કંપનીએ આગામી વર્ષોમાં ભારતમાં કાર વેચવાની શક્યતા પણ વ્યક્ત કરી છે. ફોર્ડે કેન્દ્ર સરકારની પરફોર્મન્સ લિંક્ડ ઇન્સેન્ટિવ યોજનામાં ભાગ લેવા માટે અરજી કરી હતી. આ અરજી મંજૂર કરવામાં આવી છે. આ ભારતીય બજારમાં ફોર્ડની રુચિ દર્શાવે છે. ફોર્ડ માટે ભારતીય બજારમાં પ્રવેશવાનો આ સારો સમય હોઈ શકે છે કારણ કે દેશમાં ઇલેક્ટ્રિક વાહનોની સંખ્યા ઘણી ઓછી છે.
જો કે ફોર્ડને ગુજરાતમાં સાણંદ અને ચેન્નાઈ ખાતેના તેના પ્લાન્ટમાં ઈવીનું ઉત્પાદન શરૂ કરવા માટે મોટા સુધારાની જરૂર પડશે.
