તમે વાળમાં કન્ડિશનર કરો છો? વાળમાં કન્ડિશનર કરવાથી વાળને અનેક ફાયદો થાય છે. જો કે આ કન્ડિશનર કરવાની સાચી રીત વિશે અનેક લોકો અજાણ છે. ઘણાં લોકો કન્ડિશનર કરવા ખાતર જ કરતા હોય છે. જો તમે પણ કંઇક આવું જ કરી રહ્યા છો તો આ તમારી સૌથી મોટી ભૂલ છે. જો તમે કન્ડિશનર પ્રોપર રીતે કરતા નથી તો તમારા વાળને અનેક ઘણું નુકસાન થાય છે. આમ, જ્યારે તમે શેમ્પુ કર્યા પછી કન્ડિશનર કરો છો તો તમારા વાળ સિલ્કી અને શાઇની થાય છે. આ માટે હેર વોશ કર્યા પછી કન્ડિશનર કરવું ખૂબ જ જરૂરી છે. તો જાણો તમે પણ કન્ડિશનર કરવાની સાચી રીત…
- ગરમી હોય કે ઠંડી…અઠવાડિયામાં બેથી ત્રણ વાર તમારા હેર વોશ કરો. જો તમે અઠવાડિયામાં એક વાર હેર વોશ કરો છો તો તમારા વાળને અનેક ઘણું નુકસાન થાય છે. આ માટે બેથી ત્રણ વાર હેર વોશ કરવાની આદત પાડો.
- કોઇ પણ સારા શેમ્પુથી પહેલા હેર વોશ કરી લો.
- હેર વોશ કર્યા પછી એક સેકન્ડ પછી કન્ડિશનરનો ઉપયોગ કરો.
- આ માટે તમે કોઇ સારી કંપનીનું કન્ડિશનર લો.
- ત્યારબાદ આ કન્ડિશનરને હથેળીમાં લો. કન્ડિશનર લેતા પહેલા ખાસ ધ્યાન રાખો કે તમે તમારા વાળની લંબાઇ પ્રમાણે લો જેથી કરીને વધારે અને ઓછુ ના પડે.
- ત્યારબાદ વાળને બે ભાગમાં કરી લો અને પછી મિડ લેન્થથી નીચે સુધી લગાવો.
- કન્ડિનર કરતી વખતે તમારે હાથથી બહુ ભાર આપવાનો નથી. જો તમે બહુ વજનથી કરશો તો તમારા વાળ ડેમેજ થવા લાગશે.
- હવે કાંસકાની મદદથી કન્ડિશનરને વાળમાં ફેલાવી દો.
- હવે એકથી બે મિનિટ સુધી કન્ડિશનર રહેવા દો અને પછી હેર વોશ કરી લો.
- હેર વોશ કર્યા પછી ટુવાલની મદદથી હળવા હાથે વાળને કોરા કરો.