માર્ચ મહિનામાં, બે પ્રીમિયમ સેગમેન્ટની હેચબેક કાર 2022 Maruti Suzuki Baleno અને 2022 Toyota Glanza ભારતમાં શાનદાર એન્ટ્રી મારી રહી છે. આ કાર્સમાં ઘણા સારા ફીચર્સ, લેટેસ્ટ ડિઝાઇન અને મજબૂત કેબિન આવી રહ્યુ છે. હવે આ બંને કાર ટૂંક સમયમાં CNG વેરિઅન્ટમાં પણ ઉતરી શકે છે. ટોયોટા ઈન્ડિયાની વેબસાઈટ પર પણ ગ્લૈંઝા સીએનજીના લોન્ચની સંપુર્ણ માહિતી આપવામાં આવી છે.
નવી ગ્લાન્ઝાની માઈલેજ પણ ઘણી સારી બતાવાઇ રહી છે. આપને જણાવી દઈએ કે હાલમાં પેટ્રોલની કિંમત 95 રૂપિયાની આસપાસ છે, તેથી કાર ચલાવવી ઘણી મોંઘી પરવળી રહી છે. પેટ્રોલ માત્ર મોંઘુ જ નથી પરંતુ તે વધુ હવા પ્રદૂષણ ફેલાવે છે. CNG પેટ્રોલ કરતાં ઓછું પ્રદૂષણ કરે છે. એટલા માટે ઘણા લોકો CNG વેરિઅન્ટને પહેલી પસંદ આપતા થયા છે.
ટોયોટા એપ્રિલ મહિના દરમિયાન CNG વેરિઅન્ટ લોન્ચ કરી શકે છે. કારનું CNG વેરિઅન્ટ વર્તમાન વેરિઅન્ટમાં 1197cc એન્જિન સાથે આવશે. જ્યારે, એન્જિનના પાવર અને ટોર્કમાં થોડો તફાવત પણ રહેશે. Glanza CNG માત્ર મેન્યુઅલ ગિયરબોક્સ સાથે રજૂ થશે.
કિંમત વિશે વાત કરીએ તો, Toyota Glanza હાલમાં રૂ. 6.4 લાખથી 9.7 લાખની વચ્ચે આવે છે. જ્યારે CNG વેરિઅન્ટની કિંમત લગભગ 80 હજાર રૂપિયા સુધી વધી શકે છે.
મારુતિ બલેનો 2022 સ્પેક્સ અને કિંમત
જો મારુતિ સુઝુકીની નવી બલેનો વિશે વાત કરીએ તો તેની કિંમત 6.35 લાખથી 9.49 લાખ રૂપિયાની વચ્ચે છે. બંને પ્રીમિયમ હેચબેક કારના ફીચર્સ લગભગ સરખા છે. બંને કારમાં 9-ઇંચની મોટી ટચસ્ક્રીન ઇન્ફોટેનમેન્ટ સિસ્ટમ મળશે, જે વાયરલેસ એન્ડ્રોઇડ ઓટો અને એપલ કાર પ્લેને સપોર્ટ કરશે.