આ વર્ષે માર્ચની શરૂઆતમાં જ ગરમી પોતાનો પ્રકોપ બતાવવાનું શરૂ કરી દીધું છે.. હાલથી જ મોટાભાગના શહેરોનું તાપમાન 40 ડિગ્રીની આસપાસ નોંધાઇ રહ્યું છે. ત્યારે પ્રાથમિક શૈક્ષિક મહાસંઘ દ્વારા શાળાનો સમય સવારનો કરવાની માગણી કરાઇ છે… સંઘે શિક્ષણ સચિવને પત્ર લખ્યો છે. અને માગ કરી શેકે છે કે 21 માર્ચથી જ શાળાનો સમય સવારનો કરવામાં આવે. શૈક્ષિક સંઘે પત્રમાં ઉમેર્યું છે કે ગરમીનો પારો સતત વધી રહ્યો છે અને મોટાભાગના શહેરોનું તાપમાન પણ વધી રહ્યું છે હવામાન વિભાગ દ્વારા પણ કાળઝાળ ગરમીની આગાહી કરવામાં આવી છે. ત્યારે આવી ગરમીમાં બાળકોને બપોરના સમયે શાળાઓમાં શૈક્ષણિક કાર્યમાં મન પરોવાતું નથી. જ્યારે સવારની શાળાઓમાં શૈક્ષણિક કાર્ય માટેનો સમય વધુ અનુકુળ હોય છે, જેથી રાજ્યની તમામ શાળાઓમાં 21-03-2022થી બપોરના સમયમાં ફેરફાર કરી સવારના સમય માટે યોગ્ય ઘટતું કરવા વિનંતી કરાઇ છે.. વિદ્યાર્થીઓના હિત અને તેમના આરોગ્યને ધ્યાને રાખીને પણ તંત્ર નિર્ણય કરે તેવી ઇચ્છા વ્યક્ત કરાઇ છે. કારણ કે બપોરમાં કાળઝાળ ગરમીમાં બાળકો વધુ બિમાર પડતા હોય છે અને થોડા સમય પહેલાથી જ પ્રાથમિક શાળાઓ ફૂલ ફેઝમાં શરૂ થઇ છે આવામાં બાળકોનું આરોગ્ય પણ ઘણુ મહત્વનું બની રહે છે.