યૂક્રેનમાં ભલે આ યુદ્ધ ચાલી રહ્યુ છે પરંતુ ઉદ્યોગો પર પણ તેની માઠી અસરો પડશે. છેલ્લા બે વર્ષથી કોરોનાની મહામારીમાં આર્થિક મંદીનો સામનો આપણે કરી રહ્યા છીએ ત્યારે બેઠા થયેલા ઉદ્યોગો પર ફરી માઠી અસર સેવાઇ રહી છે. ભારતના ઉદ્યોગો પર માઠી અસર પડી શકે છે.
શેર બજારથી લઇને નાના ઉદ્યોગો પર પણ તેની અસર પડી છે. છેલ્લા 7 દિવસથી આ યુદ્ધ ચાલી રહ્યુ છે, આપણે રશિયા પાસેથી રફ વસ્તુઓ લઇએ છીએ. આ ભાવ વધશે તો ઇકોનોમીને અસર પહોચશે, ત્યારે અત્યારે જો અમેરિકા અને યૂરોપની કંપનીઓ સિફ્ટ પર બેન મારી દે તો નાના માલ જે રશિયા તરફથી પ્રાપ્ત થાય છે તેમાં મોટુ નુકસાન થઇ શકે છે. ટ્રાન્ઝેક્શન પણ આપણુ બંધ થઇ શકે છે.
સ્ટીલના ભાવમાં વધારો થયો છે. 68 હજારના ભાવ 70 હજારે પહોચ્યા છે. ક્રૂડના ભાવ ડૉલરે 105 થયા હોવાથી પેટ્રોલ-ડીઝલના ભાવ આગામી સમયમાં વધશે. તેલના ભાવમાં આજે ફરી 40 રૂપિયાનો વધારો થયો છે જે હજુ વધે તેવી શક્યતા છે. પામોલીનના ડબ્બાના રૂપિયે 200, કપાસિયા તેલના 200 અને સોયાબિનમાં 150 રૂપિયાનો ડબ્બામાં વધારો જોવા મળ્યો છે.
જો યુદ્ધ લાંબુ ચાલે છે તો વધુ આર્થિક નુકસાન વેઠવાનો વારો આવશે. જોકે, રશિયા પર પણ સૌથી વધુ અસર યુદ્ધની સ્થિતિને લઇને પડી રહી છે. અમેરિકા-યુરોપ તરફથી મદદ કરાઇ રહી છે જેથી એક બાજુ યુદ્ધ વધુ લાંબુ ચાલે તો નવાઇ નહી.
