કચ્છ ઊંટ ઉછેરક માલધારી એ સંગઠન , પશુપાલન વિભાગ અને સહજીવન દ્વારા સરહદ ડેરી સાથે રહી કચ્છ માં ઊંટડીના દૂધની બજાર વ્યવસ્થા ઊભી કરેલી છે . જેના કારણે ઊંટડીનું દૂધનો મહત્વ લોકો સમજવા લાગ્યા છે . આજે પ્રતિ દિવસ ૪૦૦૦ લિટર ઊંટડીના દૂધનો વેચાણ થાય છે . દૂધના ઓવષધિય ગુણોની જાણ અન્ય રાજ્યો માં લોકોને સમજવા લાગ્યા છે . કચ્છી ઊંટમાં અન્ય નસલ કરતાં દૂધ સારા પ્રમાણમાં હોય છે એવું નેશનલ રિસર્ચ સેન્ટર ઓન કેમલ , બિકાનેરના વૈજ્ઞાનિક ડો . વેદ પ્રકાર દ્વારા કરવામાં આવેલા સંશોધનમાં બહાર આવ્યું છે . સંશોધનમાં પ્રતિ દિવસ ૧૨ લિટર જેટલુ દૂધ કચ્છી ઊંટડી આપે છે તેવુ સાબિત થયું છે . ઊંટડીના દૂધ માટે કોઇમ્બતુરથી કચ્છ આવેલા મનિકંદનને આવેલા એનઆરસીસી દ્વારા કચ્છમાંથી કચ્છી નસલની ઊંટ ખરીદવા જણાવ્યું હતું . તેણે સંગઠન સાથે મળી અહીથી ઊંટ લઈ જવા તમામ નિયમો પ્રમાણે પરવાનગી મેળવી હતી .કચ્છી ઊંટની માંગ દેશના અન્ય રાજ્યોમાં પણ હવે થવા લાગી છે . તાજેતરમાં અબડાસા અને નખત્રાણાના ગામોમાંથી ચાર કચ્છી ઊંટની ખરીદી કરવા તામિલનાડૂના કોઇમ્બતુરથી લોકો આવ્યા હતાં . અને પ્રતિ ૪૨ હજાર લેખે ચાર ઊંટની ખરીદી કરવામાં આવી હતી .અબડાસાના દબાણ અને નખત્રાણાના ગંગોણમાંથી ૪ ઊંટડીની ખરીદી કરી હતી . આ વ્યક્તિએ પ્રતિ ઊંટડીના ૪૨ હજાર અને કચ્છ ઊંટ ઉછેરક માલધારી સંગઠનને સહયોગ બદલ ચાર હજાર આપ્યા હતા . આ ઊંટને કોઇમ્બતુર લઈ જવામાં આવ્યા હતા.
