હળવદ પંથકમાં છેલ્લા કેટલાક સમયથી સફેદ રેતીનો કાળો કારોબાર બેફામ ફૂલ્યો ફાલ્યો છે રેતી માફિયાઓ દ્વારા રેતી ખનન અને વહન બેફામ રીતે કરવામાં આવી રહ્યું છે ત્યારે હળવદ તાલુકાના ટીકર બ્રાહ્મણી નદીમાં બેફામ ખુલ્લેઆમ સફેદ રેતીનો કાળો કારોબાર ચાલતો હોય જ્યાં નવનિયુક્ત પીઆઈની ટીમે રેડ કરીને ૫ ડમ્પર ઝડપી લીધા છે
હળવદનાં નવ નિયુક્ત પીઆઇ કે જે માથુકીયાએ ટીકર નમૅદા કેનાલ નજીક રેડ કરી હતી જેમાં ગેરકાયદેસર રેતી ખનન વહન કરતા ૫ ડમ્પર ઝડપી લેવામાં આવ્યા છે જે કાર્યવાહીને પગલે ખનીજ માફિયાઓમાં ફફડાટ જોવા મળી રહ્યો છે ૫ ડમ્પર કબજે કરી હળવદ પોલીસ સ્ટેશન ખાણ ખનીજ વિભાગની ટીમને આગળની કાર્યવાહી માટે જાણ કરી છે હાલ ૭૫ લાખથી વધુનો મુદામાલ જપ્ત કરાયો હોવાનું પણ પોલીસ પાસેથી જાણવા મળ્યું છે
