Karnavati 24 News
તાજા સમાચાર
ताजा समाचार
ટેકનોલોજી

Apple: Apple iPhone 15 માંથી ભૌતિક સિમ સ્લોટ દૂર કરશે, eSIM નો ઉપયોગ કરી શકાશે

Apple Updates: આ પહેલા એપલે ઓડિયો જેક અને ચાર્જિંગ એડેપ્ટરને કાઢી નાખવા જેવા પગલાં લીધા છે. ચાર્જિંગ એડેપ્ટર દૂર કરવાના નિર્ણય અંગે કંપનીની દલીલ છે કે, વેસ્ટ ઓછું કરી પર્યાવરણને અનુકૂળ બનવાનો પ્રયાસ છે
નવી દિલ્હી: એપલ (Apple)એ ગત સપ્ટેમ્બર મહીનામાં આઈફોન 13 (iPhone 13) સિરીઝ લોન્ચ કરી હતી અને આઈફોન 14 સિરીઝ આવતા હજી એકાદ વર્ષની વાર લાગશે. ત્યારે આઈફોન 15 બાબતે અમુક ગપસપ અત્યારથી શરૂ થઈ ચૂકી છે. અફવા મુજબ આઇફોન 15 પ્રો (iPhone 15 pro) મોડેલમાં ફિઝિકલ સિમ કાર્ડ સ્લોટ (Physical sim card slot)થી છૂટકારો મળી શકે તેવી ચર્ચા છે. અગાઉ એપલે આઇફોન એક્સઆર, આઇફોન એક્સએસ અને આઇફોન એક્સએસ મેક્સમાં eSIM સપોર્ટની સુવિધા આપી હતી. ત્યારે હવે ભવિષ્યના આઇફોન્સમાંથી ફિઝિકલ સિમ કાર્ડ સ્લોટને કાઢી આપવામાં આવી શકે છે.
એપલ લાંબા સમયથી ઘણા નવા ફીચર્સ અને ભૂલાઈ ગયેલી સામાન્ય સુવિધા લાવી રહ્યું છે. એપલે ઓડિયો જેક અને ચાર્જિંગ એડેપ્ટરને કાઢી નાખવા જેવા પગલાં લીધા છે. ચાર્જિંગ એડેપ્ટર દૂર કરવાના નિર્ણય અંગે કંપનીની દલીલ છે કે, વેસ્ટ ઓછું કરી પર્યાવરણને અનુકૂળ બનવાનો પ્રયાસ છે.

આ અફવા બ્રાઝિલની બ્લોગ પોસ્ટ બાદ પ્રસરી ગઈ છે. બ્લોગમાં કહેવામાં આવ્યું છે કે, 2023ના પ્રો મોડેલ્સમાં ફિઝિકલ સિમ સ્લોટ નહીં હોય અને તે કનેક્ટિવિટી માટે તે સંપૂર્ણપણે eSIM ટેકનોલોજી પર આધાર રાખશે. સૂત્રએ એવો પણ દાવો કર્યો હતો કે, આ આઇફોન્સ ડ્યુઅલ eSIM સપોર્ટ સાથે આવશે.

લાંબી વ્યૂહરચના હોઈ શકે
ઉલ્લેખનીય છે કે, ભૂતકાળના પોર્ટલેસ આઇફોન અંગેના અહેવાલ સામે આવ્યા હતા. આ અહેવાલો આજે પણ ફરી રહ્યા છે. ત્યારે એપલ ખરેખર તેના 2023ના આઇફોન મોડેલ્સમાંથી ફિઝિકલ સિમ કાર્ડ સ્લોટ દૂર કરવાની તૈયારી કરી રહી છે, તો તે પોર્ટલેસ આઇફોન બજારમાં મૂકવાની તેની લાંબી વ્યૂહરચનાનો એક ભાગ હોઈ શકે છે.

eSIM સર્વિર ઉપલબ્ધ ન હોય તો શું?

જો એપલ સિમ કાર્ડ સ્લોટ વિના આઇફોન લોન્ચ કરે તો પણ કંપની eSIM સર્વિસ ઉપલબ્ધ ન હોય એવા દેશોમાં ફિઝિકલ સિમ સ્લોટ સાથે વર્ઝન પુરા પાડી શકે છે. બીજી તરફ તાજેતરમાં અન્ય એક અહેવાલમાં દાવો કરવામાં આવ્યો હતો કે, આઇફોન 15 પેરિસ્કોપ આકારના લેન્સ સાથે આવે તેવી સંભાવના છે. આવા લેન્સ અમુક ફ્લેગશિપ એન્ડ્રોઇડ ફોનમાં ઘણા સમયથી આવે છે.

2022માં આઈફોન 14 થશે લોંચ

નોંધનીય છે કે, 2023 હજુ ઘણું દૂર છે. આ દરમિયાન 2022માં એપલના ફ્લેગશિપ સ્માર્ટફોન આઇફોન 14 સિરિઝમાં 2 ટીબી સુધી સ્ટોરેજ મળી શકે છે. આ સાથે એપલ આવતા વર્ષના આઇફોન માટે QLC ફ્લેશ સ્ટોરેજનો ઉપયોગ કરે તેવી અપેક્ષા છે અને નવી સ્ટોરેજ ટેકનોલોજીને કારણે તે ક્ષમતા વધારીને 2 ટીબી કરી શકે છે.

આ પણ વાંચો: Budget smartphones: માત્ર રૂ. 7000માં મળી રહ્યા છે આ શાનદાર સ્માર્ટફોન્સ, જાણો ફીચર્સ

તદુપરાંત આઇફોન 14ને નવા 48MP કેમેરા લેન્સ સાથે લોન્ચ કરવામાં આવી શકે છે. જોકે, એપલે હજી સુધી આમાંના કોઈ પણ ડેવલપમેન્ટની પુષ્ટિ કરી નથી.

संबंधित पोस्ट

Xiaomiનો ફોલ્ડેબલ ફોન ટ્વિટર પર લીક થયો, જણો સંપૂર્ણ વિગતો

Admin

નાસાનું અવકાશયાન લઘુગ્રહ સાથે અથડાવા માટે તૈયાર, જાણો શું છે DART મિશન?

Karnavati 24 News

Xiaomi 28 ડિસેમ્બરે અત્યાર સુધીનો સૌથી મોટો ધડાકો, એક જબરદસ્ત સ્માર્ટફોન લૉન્ચ કરશે, પરંતુ લૉન્ચ થવાની થોડી જ વાર પહેલાં…

Karnavati 24 News

હવે ક્રેડિટ કાર્ડથી પણ કરી શકાશે UPI પેમેન્ટ, વધશે લોકોની સુવિધા

Karnavati 24 News

Jio vs Airtel: 56 દિવસ ચાલનારા શાનદાર પ્લાન, 112GB સુધી ડેટાની સાથે ફ્રી કોલિંગનો લાભ

Karnavati 24 News

ધમાકેદાર ઓફર! 4 OTT પ્લેટફોર્મ દરરોજ માત્ર 1 રૂપિયામાં, જાણો સંપૂર્ણ વિગત

Admin