આવેદનપત્ર સુપ્રત કરનાર સમસ્ત આદિવાસી સમાજ દ્વારા આદિવાસી સમાજના લોક નેતા પર હુમલો થાય એ આદિવાસી સમાજ માટે ખુબજ આઘાત જનક બાબત હોવાનું જણાવી રજુઆત કરી હતી. જેમાં આદિવાસી સમાજ એટલો પણ પાંગળો નથી કે હુમલો કરનાર ને એમની ભાષા માં જવાબ ન આપી શકે પરંતુ આદિવાસી સમાજ કાયદો અને વ્યવસ્થા નું ધ્યાન રાખે છે તેવો સુર વ્યક્ત કરી હુમલો કરનારાઓની તાત્કાલિક ધરપકડ કરી કાયદેસરની કાર્યવાહી કરવામાં આવે તેવી માંગ કરી હતી. અને જો એમાં કૈક ભીનું સંકેલવાનો પ્રયત્ન કરવામાં આવશે તો આદિવાસી સમાજ ના લોકનેતા ના ન્યાય માટે સમસ્ત આદિવાસી સમાજ ધરમપુર રસ્તા પર ઉતરતા પણ ખચકાશે નહિ તેવી ચીમકી આપી હતી. આવેદનપત્ર સુપ્રત કરતી વખતે ધરમપુર તાલુકા આદિવાસી એકતા પરિસદના પ્રમુખ કમલેશભાઈ, સરપંચ નવીન પવાર, કમલેશ બી.પટેલ, મુકેશ પટેલ, વિમલ પટેલ, હેમંત પટેલ હાજર રહ્યા હતા.
