IPL 16માં આજે મુંબઈ ઈન્ડિયન્સ અને ગુજરાત ટાઇટન્સ વચ્ચે ટક્કર થશે. બંને વચ્ચે ટૂર્નામેન્ટની 57મી લીગ મેચ રમાશે. આ મેચ મુંબઈના હોમ ગ્રાઉન્ડ વાનખેડે સ્ટેડિયમમાં રમાશે. મેચ સાંજે 7.30 કલાકે શરૂ થશે. આ મેચ દ્વારા બંને ટીમ પોતપોતાની 12મી મેચ રમશે. ગુજરાતે અત્યાર સુધીમાં 8 મેચ જીતી છે અને મુંબઈ એ 6.
પિચ રિપોર્ટ
બંને વચ્ચેની આ મેચ મુંબઈના વાનખેડે સ્ટેડિયમમાં રમાશે. આ મેદાનની પીચ બેટિંગ માટે ઘણી મદદગાર છે. મેદાનનું આઉટફિલ્ડ ઝડપી છે, જે બેટ્સમેનો માટે મદદરૂપ છે. નાઇટ મેચોમાં, ફાસ્ટ બોલરોને શરૂઆતમાં થોડી મદદ મળે છે. જો કે તે ઉચ્ચ સ્કોરિંગ સ્થળ છે. આ ટીમો ઘણીવાર ટોસ જીત્યા બાદ પહેલા બોલિંગ કરવાનો નિર્ણય લે છે.
મુંબઈ વિ ગુજરાત હેડ ટુ હેડ
IPLમાં અત્યાર સુધીમાં મુંબઈ ઈન્ડિયન્સ અને ગુજરાત ટાઈટન્સ વચ્ચે કુલ 2 મેચ રમાઈ છે, જેમાં બંને ટીમોએ 1-1 મેચ જીતી છે. બંને વચ્ચે પ્રથમ મેચ બ્રેબોર્ન સ્ટેડિયમમાં રમાઈ હતી, જેમાં મુંબઈનો વિજય થયો હતો અને બીજી મેચ આ સિઝનમાં અમદાવાદના નરેન્દ્ર મોદી સ્ટેડિયમમાં રમાઈ હતી, જેમાં ગુજરાતનો વિજય થયો હતો.
મેચની આગાહી
આ મેચમાં કોણ જીતશે તે કહેવું થોડું મુશ્કેલ હશે. પરંતુ આંકડાઓ અનુસાર બંનેએ અત્યાર સુધી કુલ બે મેચ રમી છે જેમાં બંનેએ 1-1 મેચ જીતી છે. આ જ સિઝનમાં બંને વચ્ચે ગુજરાત દ્વારા હોમ ગ્રાઉન્ડ નરેન્દ્ર મોદી સ્ટેડિયમમાં પ્રથમ મેચ રમાઈ હતી, જેમાં ગુજરાતનો વિજય થયો હતો. જ્યારે આજની મેચ મુંબઈના હોમ ગ્રાઉન્ડ પર રમાવાની છે. હવે જોવાનું એ રહેશે કે મુંબઈના હોમ ગ્રાઉન્ડ પર ગુજરાત જીતી શકશે કે નહીં.
લાઇવ સ્ટ્રીમિંગ વિગતો
જો આપણે મેચના લાઇવ સ્ટ્રીમિંગ વિશે વાત કરીએ તો, મેચનું ટીવી પર સ્ટાર સ્પોર્ટ્સ નેટવર્ક દ્વારા પ્રસારણ કરવામાં આવશે. આ સિવાય મોબાઈલ, લેપટોપ અને સ્માર્ટ ટીવી પર મેચનું લાઈવ સ્ટ્રીમિંગ Jio સિનેમા એપ અને વેબસાઈટ દ્વારા ફ્રીમાં કરવામાં આવશે.
બંને ટીમોની સંભવિત પ્લેઇંગ ઇલેવન
મુંબઈ ઈન્ડિયન્સ – રોહિત શર્મા (કેપ્ટન), સૂર્યકુમાર યાદવ, ટિમ ડેવિડ, તિલક વર્મા, કેમરન ગ્રીન, પીયૂષ ચાવલા, ઈશાન કિશન (વિકેટકીપર), જેસન બેહરનડોર્ફ, કુમાર કાર્તિકેય, આકાશ મંડવાલ, ક્રિસ જોર્ડન.
ગુજરાત ટાઇટન્સ – શુભમન ગિલ, હાર્દિક પંડ્યા (કેપ્ટન), અભિનવ મનોહર, ડેવિડ મિલર, વિજય શંકર, રાહુલ તેવટિયા, રિદ્ધિમાન સાહા (વિકેટકીપર), રાશિદ ખાન, મોહમ્મદ શમી, મોહિત શર્મા શર્મા, નૂર અહેમદ.