બનાસકાંઠા
બનાસકાંઠા અખંડ રાષ્ટ્રીય હિન્દુ સેના દ્વારા ‘પઠાણ’ ફિલ્મનો વિરોધ : જિલ્લા કલેક્ટરને આવેદનપત્ર આપ્યું
બનાસકાંઠા જિલ્લા કલેક્ટરને અખંડ રાષ્ટ્રીય હિન્દુ સેના દ્વારા આવેદનપત્ર પત્ર પાઠવી પઠાણ ફિલ્મનો વિરોધ કર્યો છે. જે આવેદન પત્રમાં આવી ફિલ્મ જે હિન્દુ સંસ્કૃતિને બદનામ કરતી હોય જે ગીતનું નામ પણ “બેશરમ રંગ” હોય તેવી ફિલ્મને પૂર્ણ રીતે કાયમી માટે બંધ કરાવવાની રજૂઆત કરી છે.
અખંડ રાષ્ટ્રીય હિન્દુ સેના દ્વારા બનાસકાંઠા જિલ્લા કલેકટરને આવેદનપત્ર પાઠવી રજૂઆત કરી હતી કે, ગુજરાત સરકાર અને ભારત સરકારને અપીલ કરે છે કે, હિન્દી ફિલ્મ પઠાણ જેમાં હિન્દુ સનાતન સંસ્કૃતિ અને આસ્થાનું પ્રતિક એટલે ભગવા રંગ જે ફિલ્મ પઠાણની અંદર બહુ ખરાબ રીતે દર્શાવવામાં આવ્યું છે જે પોતાના પરિવાર સાથે પણ ના જોઇ શકાય તેવા ચિત્રોનું પ્રદર્શન કર્યું છે, જે ભારતીય સંસ્કૃતિનું ઘોર અપમાન પણ કરે છે અમો અખંડ રાષ્ટ્રીય હિન્દુ સેના આપ સરકારને નમ્ર અપીલ કરી છીએ કે, આવી ફિલ્મ જે હિન્દુ સંસ્કૃતિને બદનામ કરતી હોય જે ગીતનું નામ પણ “બેશરમ રંગ” હોય તેવી ફિલ્મને પૂર્ણ રીતે કાયમી માટે બંધ કરાવશો.
