Starlink Internet In India: વિશ્વના સૌથી ધનિક વ્યક્તિ અને દિગ્ગજ ઉદ્યોગપતિ એલોન મસ્ક (Elon Musk) ટૂંક સમયમાં ભારતના ટેલિકોમ સેક્ટર (Telecom Sector) માં પ્રવેશ કરી શકે છે. તેના માટે તેમની કંપની સ્ટારલિંક બ્રાન્ડ ભારતમાં સેટેલાઇટ ઈન્ટરનેટ સેવા (Satellite Internet Service) શરૂ કરવાની મંજૂરી માંગી શકે છે. જો કંપનીને આ મંજૂરી મળી જાય તો ભારતના ટેલિકોમ સેક્ટર (Telecom Sector of India) માં મોટો બદલાવ આવી શકે છે. એક અહેવાલ મુજબ સ્ટારલિંક ભારતીય બજારમાં એક્સેસ અને લેન્ડિંગ રાઈટ્સ માટે મંજૂરી મેળવવાનો પ્રયાસ કરી રહી છે. તેના માટે કંપની આ મામલે ભારતના ટેલિકોમ્યુનિકેશન વિભાગ (DoT) ના સંપર્કમાં છે. જો કે કંપની અને ટેલિકોમ્યુનિકેશન વિભાગે આ અંગે કોઈ સત્તાવાર નિવેદન આપ્યું નથી.
જિયો અને સ્ટારલિંક વચ્ચે થશે જોરદાર સ્પર્ધા
આ રિપોર્ટમાં એ પણ જણાવવામાં આવ્યું છે કે એલોન મસ્કની કંપની ગ્લોબલ મોબાઇલ પર્સનલ કોમ્યુનિકેશન્સ બાય સેટેલાઇટ (Global Mobile Personal Communications By Satellite – GMPCS) ના લાઇસન્સ માટે ખૂબ જ જલ્દી અરજી કરી શકે છે. તે જ સમયે મુકેશ અંબાણી (Mukesh Ambani) ની રિલાયન્સ જિયો (Reliance Jio) અને ભારતી ગ્રૂપની માલિકીની વનવેબ (OneWeb) ની માલિકીની કંપનીઓએ ભારતમાં સેટેલાઇટ ઇન્ટરનેટ સર્વિસિઝ (Internet Services in India) માટે અરજી કરી છે. આવી સ્થિતિમાં જો સ્ટારલિંકને દેશમાં કામ કરવાની મંજૂરી મળે છે, તો સ્ટારલિંક અને રિલાયન્સ જિયો વચ્ચે આકરી સ્પર્ધા થવાની સંભાવના છે.
આ દેશોમાં સ્ટારલિંકે શરૂ કરી પોતાની ઈન્ટરનેટ સર્વિસિઝ
આપને જણાવી દઈએ કે એલોન મસ્ક (Elon Musk Starlink) વિશ્વભરમાં સ્ટારલિંકની સર્વિસિઝના જાળને ફેલાવવાનો પ્રાયસ કરી રહ્યા છે. આ વર્ષે કંપનીએ જાપાન (Japan) માં તેમની ઇન્ટરનેટ સેવાઓ પૂરી પાડવાનું શરૂ કર્યું છે. આ સિવાય વર્ષ 2023 સુધીમાં કંપની પોતાની સેટેલાઇટ સેવાઓ દ્વારા દક્ષિણ કોરિયા (South Korea) માં ઇન્ટરનેટ સેવાઓ પણ શરૂ કરશે.
