ભિલોડા તાલુકામાં કાયદો વ્યવસ્થાની સ્થિતિ કથળી હોય તેવું લાગે છે છાશવારે મારામારી, હત્યા તેમજ લૂંટ જેવી ઘટનાઓ ઘટતી હોય છે ત્યારે ભિલોડાના કડવથમાં રાત્રે નવરાત્રિ જોવા ગયેલી પહાડિયાની મહિલાની છેડતી કરી બે શખ્સોએ તેના પતિને ચપ્પું પેટના અને હાથના ભાગે મારી 60હજારના સોનાનો દોરો ઝૂંટવી લેતાં શામળાજી પોલીસ સ્ટેશનમાં મહિલાના પતિએ બે શખ્સો સામે ફરિયાદ નોંધાવી હતી.
ભિલોડાના પહાડિયામાં રહેતું દંપતી કાર લઈ કડવથમાં નવરાત્રિ જોવા ગયું હતું. ત્યારે બે બે શખ્સો કંઈક બોલતા હતા. તે દરમિયાન ગાડીનો કાચ ખુલ્લો કરીને પૂછતાં તમે શું કહેવા માગો છો ત્યારે જગદીશ પારગી મહિલાનો હાથ પકડી બિભત્સ વર્તન કરતાં મહિલાનો પતિ આમ કેમ કરો છો કહેવા જતાં બે શખ્સોએ ગડદાપાટુનો માર મારીને જગદીશ પારઘી એ તેના હાથમાં રહેલું ચપ્પુ મહિલાના પતિના પેટમાં અને હાથના ભાગે મારી નેઇજાઓ કરી ગળામાં પહેરેલો
રૂ. 60 હજારનો સોનાનો દોરો ઝૂંટવી લઈ બન્ને શખ્સો ભાગી છૂટ્યા હતા. આ અંગે પરમજીત કુમાર નારાયણભાઈ ભોઈ રહે. પહાડિયા તા. ભિલોડાએ શામળાજી પોલીસ સ્ટેશનમાં ફરિયાદ નોંધાવતા પોલીસે જગદીશ ભાઈ મનજીભાઈ પારગીઅને પીન્ટુ મનજીભાઈ પારગી બંને રહે કડવથ તા. ભિલોડા વિરુદ્ધ ગુનો નોંધી આગળની તપાસ હાથ ધરી છે.
