શિલ્પા શેટ્ટીના પતિ અને બિઝનેસમેન રાજ કુન્દ્રાને ગયા વર્ષે આ દિવસે એટલે કે 21 સપ્ટેમ્બરે જામીન પર મુક્ત કરવામાં આવ્યા હતા. જેલમાંથી બહાર આવ્યા બાદ તેણે ક્યારેય આ અંગે કંઈ કહ્યું નથી પરંતુ હવે એક વર્ષ બાદ તેણે આ મામલે મૌન તોડ્યું છે. બિઝનેસમેને સોશિયલ મીડિયાના માધ્યમથી પોતાની વાત લોકોની સામે મૂકી છે.
રાજ કુન્દ્રાને અશ્લીલ ફિલ્મો બનાવવા બદલ લાંબા સમય સુધી જેલમાં રહેવું પડ્યું હતું. જુલાઈ 2021માં પૂછપરછ બાદ તેની ધરપકડ કરવામાં આવી હતી. હવે રાજે આ સમગ્ર મામલે ટ્વિટર પર પોતાની પ્રતિક્રિયા આપી છે. રાજે ટ્વિટર પર પોતાની એક તસવીર શેર કરી છે, જેમાં લખ્યું છે કે જો તમને પૂરી સ્ટોરી ખબર નથી તો ચૂપ રહો. આ પોસ્ટ સાથે તેણે કેપ્શનમાં લખ્યું છે કે, ‘આર્થર રોડ જેલમાંથી બહાર આવ્યાને આજે એક વર્ષ થઈ ગયું છે. યોગ્ય સમય આવશે ત્યારે ન્યાય ચોક્કસ મળશે. સત્ય ટૂંક સમયમાં બહાર આવશે. શુભેચ્છકોનો આભાર. મને ટ્રોલ કરનારાઓનો પણ આભાર જેના કારણે હું આટલી મજબૂત બની છું.
તમને જણાવી દઈએ કે જેલમાંથી બહાર આવ્યા બાદ રાજે પોતાને નિર્દોષ જાહેર કર્યા હતા. એક ઈન્ટરવ્યુ દરમિયાન તેણે કહ્યું હતું કે તે આવી કોઈ બાબતમાં સામેલ નથી. તેના કહેવા પ્રમાણે, તેને આ કેસમાં બળજબરીથી ફસાવવામાં આવ્યો છે. ઈન્ટરવ્યુ દરમિયાન તેણે કહ્યું હતું કે તેને દેશની ન્યાય વ્યવસ્થામાં પૂરો વિશ્વાસ છે.
આ કેસમાંથી છુટકારો મેળવવા માટે રાજે કોર્ટનો પણ સંપર્ક કર્યો છે. તાજેતરમાં જ તેણે અરજી દાખલ કરીને પોતાને નિર્દોષ જાહેર કર્યા હતા. આ અરજીમાં તેણે કોર્ટને અપીલ કરી હતી કે અત્યાર સુધી આ કેસમાં તેની વિરુદ્ધ કોઈ પુરાવા મળ્યા નથી, જેના કારણે તેને નિર્દોષ છોડી દેવામાં આવે.
