વડાપ્રધાન નરેન્દ્ર મોદી આજથી બે દિવસના પ્રવાસે છે. આજે તેઓ સવારે 11 વાગે આસપાસ પહોંચી સાબરડેરીના વિવિધ પ્લાન્ટનું લોકાર્પણ તેઓ કરશે. ગ્રામીણ અર્થતંત્રને મજબૂત બનાવવા અને કૃષિને લગતા કામોને વેગવંતા બનાવવાના સપનાને શાકાર કરવા માંગે છે. ત્યારે સહકારીતા ક્ષેત્રે પણ ગુજરાત એક પછી એક સિદ્ધીઓ હાંસલ કરી રહ્યું છે. વડાપ્રધાનના હસ્તે સાબર ડેરીના 1,000 કરોડના પ્રોજેક્ટનું લોકાર્પણ અને ભૂમી પૂજન કરશે. 305 કરોડના ખર્ચે બનેલા મિલ્ક પાઉડર પ્લાન્ટનું લોકાર્પણ પણ તેઓ કરશે. દૈનિક 120 મેટ્રીક ટનની ક્ષમતા સાથેનો આ પ્લાન્ટ છે કે જેનું લોકાર્પણ તેઓ કરશે. 30 મેટ્રીક ટન ક્ષમતાના ચીઝ પ્લાન્ટનું ભૂમિપૂજન કરાશે. વડાપ્રધાન વિવિધ પ્રોજકેટના લોકાર્પણ કર્યા બાદ આજે જનસભાને સંબોધન કરશે.
વિવિઘ સહકારી મંડળીઓને પ્રાધાન્ય આપવામાં આવી રહ્યું છે ત્યારે 1964માં નાના યુનિટ સાથે સાબરડેરી શરુ થઈ હતી. ત્યારે આજે ડેરીએ અનેક હરણફાળ ભરી છે.
આ ઉપરાંત વડાપ્રધાન નરેન્દ્ર મોદીનો આવતી આવતી કાલે ગિફ્ટ સિટીમાં પણ કાર્યક્રમ રહેશે. જ્યાં તેઓ ભારતના પ્રથમ આંતરરાષ્ટ્રીય બુલિયન એક્સચેન્જનો પ્રારંભ કરાવશે. આ બિલ્ડીંગની આઈકોનિક સ્ટ્રક્ચર તરીકે પરીકલ્પના કરવામાં આવી રહી છે. ખાસ કરીને ગિફ્ટ સિટીની આ પરીકલ્પના વડાપ્રધાનનો ડ્રીમ પ્રોજેક્ટ છે. વડાપ્રધાનની બે દિવસની મુલાકાતમાં આ બે મહત્વના કાર્યક્રમો રહેશે.
