પાટણ જિલ્લા કોંગ્રેસ સમિતિ દ્વારા કલેક્ટર કચેરી બહાર ધરણા યોજવામાં આવ્યા કોંગ્રેસના પૂર્વ રાષ્ટ્રીય અધ્યક્ષા સોનિયા ગાંધીને નેશનલ હેરાલ્ડ કેસમાં ઈ . ડી . દ્વારા નોટિસ આપીને પૂછપરછ માટે ગુરુવારે બોલાવવામાં આવ્યા હતા . જેને લઈને દેશભરમાં કોંગ્રેસે વિરોધ પ્રદર્શન કર્યું હતું . ત્યારે આજે શુક્રવારે પાટણ કલેક્ટર કચેરી સામે પાટણ જિલ્લા કોંગ્રેસ શંકરજી ઠાકોર ની ઉપસ્થિતિમાં તમેજ ધારાસભ્ય કિરીટભાઈ પટેલની અધ્યક્ષતામાં જિલ્લા કોંગ્રેસ દ્વારા વિરોધ પ્રદર્શન અને ધરણા કરવામાં આવ્યા હતા . કોગ્રેસના કાર્યકરોએ ધરણા કરી સરકાર સામે સૂત્રોચ્ચાર કર્યા હતા . આ અંગે પાટણના કોંગી ધારાસભ્ય કિરીટ પટેલે જણાવ્યું હતું કે , જે સરકાર અને ભાજપ વિરોધી વાત કરે છે તેને ED , CID નો ઉપયોગ કરી દબાવવામાં આવે છે . રાહુલ ગાંધીની પૂછપરછ કરી ત્યારે પણ અમે વિરોધ પ્રદર્શન કર્યું હતું અને સોનિયા ગાંધીના સમર્થનમાં વિરોધ પ્રદર્શન કરી રહ્યા છીએ . જ્યારે જ્યારે સરકાર દ્વારા આવી એજન્સીઓનો ઉપીયોગ કરી સમન્સ પાઠવવા આવશે , આવા કેસમાં પક્ષના નેતાઓને ફસાવવામાં આવશે તો અમે દેશભરમાં વિરોધ પ્રદર્શન કરીશું . કાર્યક્રમમાં પાટણ જિલ્લા કોંગ્રેસ સમિતિના હોદ્દેદારો ઉપસ્થિત રહ્યા હતા