Xiaomi ટૂંક સમયમાં નવા સ્માર્ટફોન લોન્ચ કરવા જઈ રહી છે. બ્રાન્ડ્સના આગામી સ્માર્ટફોનની વિગતો લીક થઈ ગઈ છે. Xiaomi 12 Lite 5G ની કિંમત અને ફીચર્સની વિગતો જાહેર કરવામાં આવી છે. આ ફોન પ્રી ઓર્ડર માટે મળે છે. બ્રાન્ડના અન્ય લાઇટ ડિવાઇસની જેમ, અમને આમાં પણ સ્લિમ અને લાઇટ ડિઝાઇન જોવા મળશે.
આ સ્માર્ટફોન અઝરબૈજાનમાં પ્રીબુકિંગ માટે મળે છે. Xiaomi 12 Lite 5G ની ફીચર અને કિંમતની વિગતો લીક થઈ ગઈ છે. ફોન 120Hz રિફ્રેશ રેટ સાથે સ્ક્રીન સાથે આવશે. આમાં Qualcomm Snapdragon 7 સીરીઝનું પ્રોસેસર આપવામાં આવી શકે છે. આવો જાણીએ આ ફોનની લીક થયેલી કિંમત અને અન્ય વિગતો.
કિંમત કેટલી હશે?
સ્માર્ટફોનની ઓફિશિયલ કિંમત વિશે જાણકારી તેના લોન્ચ થયા બાદ જ મળશે. હાલ તેનો અંદાજ લગાવી શકાય છે. રિપોર્ટ્સ અનુસાર આ ફોન માત્ર એક જ કન્ફિગરેશનમાં આવશે.
8GB RAM + 128GB સ્ટોરેજ સાથે Xiaomi 12 Lite 5G ની કિંમત AZM 999 એટલે કે અંદાજે રૂપિયા 46,500 હશે. જો કે આ ફોન ભારતીય બજારમાં આ કિંમતે નહીં આવે.
શું હશે ફીચર્સ?
જો અહેવાલો પર વિશ્વાસ કરવામાં આવે તો, Xiaomi 12 Liteમાં 6.55-ઇંચની AMOLED ડિસ્પ્લે મળશે. સ્ક્રીન 120Hz રિફ્રેશ રેટ, HDR 10+ અને Dolby Atmos ફીચર સાથે આવશે. ડિવાઇસ Qualcomm Snapdragon 788G પ્રોસેસર સાથે લોન્ચ થશે. તેમાં 8GB રેમ અને 128GB સ્ટોરેજનું સિંગલ કન્ફિગરેશન મળશે.
ઓપ્ટિક્સની વાત કરીએ તો ફોનમાં ટ્રિપલ રિયર કેમેરા સેટઅપ મળી શકે છે. તેનો પ્રાઇમરી લેન્સ 108MPનો હશે. આ સિવાય યુઝર્સને 8MP અલ્ટ્રા વાઇડ એંગલ લેન્સ અને 2MP મેક્રો લેન્સ મળશે. ફ્રન્ટમાં, કંપની 32MP સેલ્ફી કેમેરા ઓફર કરી શકે છે.
આ ફોન માત્ર 173 ગ્રામનો હશે. આમાં તમને 4300mAh બેટરી અને 67W ફાસ્ટ ચાર્જિંગ મળશે. તે સ્ટીરિયો સ્પીકર્સથી સજ્જ હશે, જે ડોલ્બી એટમોસ સાથે આવશે. ભારતમાં આ ફોન ક્યારે લોન્ચ થશે તે જાણી શકાયું નથી.
