કેન્દ્ર સરકારે આજે સેનામાં ભરતી માટે ‘અગ્નિપથ ભરતી યોજના’ શરૂ કરી છે. કેન્દ્રીય રક્ષા મંત્રી રાજનાથ સિંહે યોજનાની શરૂઆત કરતા કહ્યું કે, આ યોજનાથી યુવાનોને સેનામાં ભરતીની તક મળશે અને રોજગાર મળશે. તેમણે કહ્યું કે, આ યોજના સંરક્ષણ દળોના ખર્ચ અને વય પ્રોફાઇલને ઘટાડવાની દિશામાં સરકારના પ્રયાસોનો એક ભાગ છે.
આ યોજના હેઠળ સેનામાં જોડાનાર યુવાનોને અગ્નિવીર કહેવામાં આવશે. ત્રણેય સેનાના વડાઓએ તાજેતરમાં વડાપ્રધાન નરેન્દ્ર મોદીને આ યોજનાનું પ્રેઝન્ટેશન આપ્યું હતું. આ યોજના હેઠળ યુવાનો થોડા સમય માટે સેનામાં ભરતી થઈ શકશે. આ યોજનાને અગ્નિપથ યોજના નામ આપવામાં આવ્યું છે. આ અંતર્ગત યુવાનો ચાર વર્ષ સુધી સેનામાં જોડાઈ શકશે અને દેશની સેવા કરી શકશે.
આ સ્કીમથી યુવાનોને આ રીતે મળશે તક
‘અગ્નિપથ ભરતી યોજના’ હેઠળ, યુવાનો ચાર વર્ષના સમયગાળા માટે સેનામાં જોડાશે અને દેશની સેવા કરશે.
ચાર વર્ષના અંતે, લગભગ 80 ટકા સૈનિકોને ફરજમાંથી મુક્ત કરવામાં આવશે અને વધુ રોજગારની તકો માટે સશસ્ત્ર દળો તરફથી સહાય પ્રાપ્ત થશે.
ચાર વર્ષ પછી પણ માત્ર 20 ટકા જવાનોને જ તક મળશે. જો કે, આ ત્યારે જ શક્ય બનશે જ્યારે તે સમયે સેનાની ભરતીઓ બહાર આવી હશે.
ઘણા કોર્પોરેશનો રાષ્ટ્રની સેવા કરનારા પ્રશિક્ષિત અને શિસ્તબદ્ધ યુવાનો માટે નોકરીઓ અનામત રાખવામાં પણ રસ લેશે.
