દેશની સૌથી મોટી સરકારી બેંક સ્ટેટ બેંક ઓફ ઈન્ડિયા (SBI) ઇલેક્ટ્રિક વાહનો ખરીદવા માટે ગ્રીન કાર લોન સ્કીમ લઈને આવી છે. આ અંતર્ગત લોનના વ્યાજ દર પર 0.20%નું ડિસ્કાઉન્ટ આપવામાં આવી રહ્યું છે. આ સિવાય તમારે લોન માટે પ્રોસેસ ફી પણ ચૂકવવી પડશે નહીં.
ઓફરની ખાસ વિશેષતાઓ
- આ યોજના હેઠળ, ઈ-વાહન ખરીદવા માટે 0.20% ઓછા વ્યાજે લોન ઉપલબ્ધ છે.
- આ લોન 8 વર્ષમાં ચૂકવવાની રહેશે.
- SBIની વેબસાઈટ પર આપવામાં આવેલી માહિતી અનુસાર, SBI કાર લોન પર વ્યાજ દર 7.25% થી 7.60% સુધીની છે.
- આ હેઠળ, તમે વાહનની ઓન-રોડ કિંમતના 100% સુધીની લોન લઈ શકો છો.
- લોન માટે કોઈ પ્રોસેસ ફી ચૂકવવાની નથી.
- આ બેંકો ઇલેક્ટ્રિક વાહનો ખરીદવા માટે ઓછા વ્યાજે લોન પણ આપી રહી છે
આ બેંકો ઇલેક્ટ્રિક વાહનો ખરીદવા માટે ઓછા વ્યાજે લોન પણ આપી રહી છે
| બેંક | વ્યાજ દર |
| ઇન્ડસઇન્ડ બેંક | 7.00% |
| પંજાબ નેશનલ બેંક | 7.05% |
| સેન્ટ્રલ બેંક ઓફ ઈન્ડિયા | 7.25% |
| યુનિયન બેંક ઓફ ઈન્ડિયા | 7.30% |
| IDBI બેંક | 7.35% |
તમે ઈલેક્ટ્રિક વાહન પર ટેક્સ છૂટનો લાભ પણ લઈ શકો છો
સામાન્ય રીતે, વ્યવસાય કરતા કરદાતાઓને અવમૂલ્યન પર આવકવેરો અને વાહન લેવા પર લોન પર ચૂકવવામાં આવતા વ્યાજની કપાત મળે છે, પરંતુ પગારદાર કરદાતાઓને આ સુવિધા મળતી નથી. જો કે, ઈલેક્ટ્રિક વાહનોમાં મામલો અલગ છે, જેને સરકાર ખૂબ પ્રોત્સાહિત કરી રહી છે.
જો તમે ઈલેક્ટ્રિક વાહન ખરીદવા માટે લોન લીધી હોય, તો ઈન્કમ ટેક્સની કલમ 80EEV હેઠળ તેના પર ચૂકવવામાં આવતું વ્યાજ વધુમાં વધુ 1.5 લાખ રૂપિયા સુધી કાપવામાં આવશે. આ કપાતનો દાવો કરવા માટેની શરત એ છે કે લોન બેંક અથવા NBFC તરફથી હોવી જોઈએ અને લોન 1લી એપ્રિલ 2019 થી 31મી માર્ચ 2023ની વચ્ચે મંજૂર થયેલ હોવી જોઈએ. આ કપાત ફક્ત વ્યક્તિગત કરદાતા માટે જ ઉપલબ્ધ રહેશે.
