ગુજરાત વિધાનસભાની ચુંટણીઓ વહેલા યોજાય તો નવાઈ નહીં કેમકે જે રીતે પાંચ રાજ્યોની ચૂંટણીમાં ભાજપે કઠિન રાજ્યો એવા ઉત્તરાખંડ અને યુપીની અંદર તેમજ જીત મેળવી છે તે જોતાં લાગી રહ્યું છે કે વિધાનસભાની ચૂંટણી ગુજરાતમાં વહેલી આવી શકે છે કેમકે જે રીતે વડાપ્રધાન નરેન્દ્ર મોદીએ બે દિવસનો પ્રવાસ ગુજરાતમાં કર્યો અને રોડ શો થી તેની શરૂઆત કરી તેનો અંદેશો કહી શકાય છે.
લોકો આતુરતાથી રાહ જોઇને બેઠા હતા ત્યારે વડાપ્રધાન નરેન્દ્ર મોદીએ એરપોર્ટ થી આગળ ના ભાગે ઊભા રહી દરવાજો ખોલી લોકોનું અભિવાદન ઝીલ્યું હતું. લોકોએ રસ્તાઓ પર ફૂલો થી તેમનું સ્વાગત કર્યું. લોકો હજુ પણ એટલા જ વડાપ્રધાન ની ઝલક માટે આતુર છે જેટલા પહેલા રોડ શોમાં હતા.
વડાપ્રધાન નરેન્દ્ર મોદીનો આ બીજો રોડ શો છે પ્રધાન મંત્રી નરેન્દ્ર મોદી ના કાફલા માં ખુલી જીપ હોવાથી બની શકે છે કે તેઓ ગાંધી આશ્રમ બાપુ ના આશ્રમની મુલાકાત લઈ શકે છે અને ગાંધી આશ્રમ બાદ ખુલ્લી જીપમાં બેસી થોડી વાર બાદ લોકોનું અભિવાદન તેઓ ખુલ્લી જીપમાં ઝીલી શકે છે.
જેમ કે આગળના બંને રોડ શોમાં તેઓ ખુલ્લી જીપમાં લોકોનું અભિવાદન ઝીલતા જોવા મળ્યા હતા. પ્રધાન નરેન્દ્ર મોદી આવતાની સાથે લોકોમાં ઉત્સાહ જોવા મળ્યો છે ત્યારે ઉત્સાહ સાથે તેમને સ્માઈલ આપી લોકોનો ઉત્સાહ વધાર્યો હતો.