Rules Change From 1 March 2023: દેશમાં વધતી જતી મોંઘવારીથી સામાન્ય માણસ પર ઘરનું બજેટ મેનેજ કરવામાં મુશ્કેલી વધી છે. નવો મહિનો શરૂ થયો છે. દરેક નવા મહિનામાં કેટલાક મહત્વપૂર્ણ ફેરફારો થાય છે, જેની સીધી અસર સામાન્ય માણસના ખિસ્સા પર પડે છે. તેથી, આ ફેરફારો વિશે જાગૃત રહેવું મહત્વપૂર્ણ છે. આ ફેરફાર તમારા ઘર અને કાર લોન EMI, LPG અને CNGની કિંમતોમાં જોવા મળશે. ચાલો જાણીએ આ ફેરફારો વિશે.
લોન EMI વધવાથી બોજ વધશે
રિઝર્વ બેંક ઓફ ઈન્ડિયા (RBI) એ તાજેતરમાં રેપો રેટમાં વધારો કર્યો હતો, ત્યારબાદ મોટાભાગની બેંકોએ પણ તેમની લોનના વ્યાજ દરમાં વધારો કર્યો હતો. બેંકોએ MCLRમાં વધારો કર્યો છે જેના કારણે હવે તમારી હોમ અને કાર લોનની EMI વધી શકે છે. આની સીધી અસર તમારા ઘરના બજેટ પર પડશે.
એલપીજી અને સીએનજીના ભાવ વધ્યા
એલપીજી, સીએનજી અને પીએનજીના ભાવ દર મહિનાની પહેલી તારીખે નક્કી કરવામાં આવે છે. ગયા મહિને ભાવમાં વધારો થયો ન હતો પરંતુ આ મહિને ભાવમાં વધારો કરવામાં આવ્યો છે.. માર્ચમાં હોળી પહેલા જનતા પર મોંઘવારીનો વધુ એક બોઝ નાંખવામાં આવ્યો છે.
ટ્રેનનો સમય બદલાઈ શકે છે
માર્ચ ઉનાળાની શરૂઆતને ચિહ્નિત કરે છે. જ્યારે હવામાન બદલાય છે ત્યારે રેલવે ટ્રેનોના સમયમાં પણ ફેરફાર કરી શકે છે. રેલવે માર્ચમાં પેસેન્જર અને ગુડ્સ ટ્રેનોના સમયમાં ફેરફાર કરી શકે છે.
સોશિયલ મીડિયા સંબંધિત નિયમો બદલાશે
માર્ચ મહિનામાં સોશિયલ મીડિયાનો ઉપયોગ કરનારા યુઝર્સ માટે નિયમોમાં ફેરફાર થઈ શકે છે. ભારત સરકારે તાજેતરમાં ITના નિયમોમાં ફેરફાર કર્યો છે. ટ્વિટર, ફેસબુક, યુટ્યુબ અને ઇન્સ્ટાગ્રામ જેવા સોશિયલ મીડિયા પ્લેટફોર્મે આ નવા નિયમોનું પાલન કરવું પડશે.
માર્ચમાં બેંકો 12 દિવસ બંધ રહેશે
માર્ચમાં તમામ સરકારી અને ખાનગી બેંકો 12 દિવસ માટે બંધ રહેશે. માર્ચમાં હોળી અને નવરાત્રી જેવા તહેવારો છે જેના કારણે બેંકો બંધ રહેશે. 12 દિવસની રજાઓમાં બેંકની રજાઓ પણ સામેલ છે.
