Karnavati 24 News
તાજા સમાચાર
ताजा समाचार
રમતગમત

ભારતે પ્રથમ અનઓફિશિયલ વોર્મઅપ મેચમાં વેસ્ટર્ન ઓસ્ટ્રેલિયાને 13 રને હરાવ્યું, સૂર્યા-અર્શદીપ ઝળક્યા

ભારતે પ્રથમ અનઓફિશિયલ વૉર્મઅપ મેચમાં વેસ્ટર્ન ઓસ્ટ્રેલિયાને 13 રને હરાવ્યું હતું. ભારત તરફથી સૂર્યકુમાર યાદવ પછી બોલિંગમાં અર્શદીપ સિંહ અને ભૂવનેશ્વર કુમારે સારૂ પ્રદર્શન કર્યુ હતુ. ભારતે પ્રથમ બેટિંગ કરતા 20 ઓવરમાં 6 વિકેટ ગુમાવીને 158 રન બનાવ્યા હતા. જવાબમાં વેસ્ટર્ન ઓસ્ટ્રેલિયા 20 ઓવરમા 8 વિકેટ ગુમાવીને 145 રન જ બનાવી શકી હતી.

ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો. ભારત તરફથી કેપ્ટન રોહિત શર્મા અને રિષભ પંત ઓપનિંગમાં આવ્યા હતા. ભારતની શરૂઆત સારી રહી નહતી અને રોહિત શર્મા માત્ર 3 રન બનાવીને આઉટ થયો હતો. તે પછી રિષભ પંત પણ 17 બોલમાં 9 રન બનાવીને આઉટ થયો હતો. દીપક હુડ્ડાએ 22 રન બનાવ્યા હતા જ્યારે હાર્દિક પંડ્યાએ 27 રનની ઇનિંગ રમી હતી. 

ભારત તરફથી સૂર્યકુમાર યાદવે ફરી એક વખત આક્રમક રમત રમી હતી. સૂર્યકુમાર યાદવે 35 બોલમાં 52 રન બનાવ્યા હતા. જેમાં 3 ફોર અને 3 સિક્સર ફટકારી હતી.

જવાબમાં ભારતે આપેલા પડકારનો પીછો કરતા વેસ્ટર્ન ઓસ્ટ્રેલિયાની શરૂઆત સારી રહી નહતી. અર્શદીપ સિંહ અને ભૂવનેશ્વર કુમારે વેસ્ટર્ન ઓસ્ટ્રેલિયાના ટોપ ઓર્ડરની કમર તોડી નાખી હતી. માત્ર 3 ઓવરમાં જ વેસ્ટર્ન ઓસ્ટ્રેલિયાની 11 રનમાં 4 વિકેટ પડી ગઇ હતી. વેસ્ટર્ન ઓસ્ટ્રે્લિયાનો સ્કોર 13 ઓવરમાં 82 રનમાં પાંચ વિકેટ થઇ ગયો હતો. વેસ્ટર્ન ઓસ્ટ્રેલિયા તરફથી ફેનીંગે સૌથી વધુ 58 રન બનાવ્યા હતા. ભારત તરફથી અર્શદીપ સિંહે સૌથી વધુ 3 વિકેટ જ્યારે ભૂવનેશ્વર કુમારે 2 વિકેટ ઝડપી હતી. આ સિવાય યુઝવેન્દ્ર ચહલ અને હર્ષલ પટેલને 1-1 સફળતા મળી હતી. હવે વેસ્ટર્ન ઓસ્ટ્રેલિયા સામે બીજી અનઓફિશિયલ વોર્મ અપ મેચ 12 ઓક્ટોબરે રમાશે. તે પછી ભારત આઇસીસી વોર્મ અપ મેચ ઓસ્ટ્રેલિયા અને ન્યૂઝીલેન્ડ સામે પણ રમવાનું છે.

संबंधित पोस्ट

IND Vs NZ: ન્યૂઝીલેન્ડ સામેની પ્રથમ હાર બાદ શિખર ધવને કહ્યુ- 306 રનનું ટોટલ સારુ હતું પરંતુ…

Admin

ICC મહિલા વર્લ્ડ કપ 2022 માટે ટીમ ઈન્ડિયાની જાહેરાત, આ ખેલાડીઓને મળી જગ્યા

Karnavati 24 News

T20 World Cup: ઓસ્ટ્રેલિયા પહોચી ટીમ ઇન્ડિયા, સોમવારે વેસ્ટર્ન ઓસ્ટ્રેલિયા વિરૂદ્ધ પ્રથમ પ્રેક્ટિસ મેચ

એશિયા કપ 2022ની ફાઈનલ બાદ સોશિયલ મીડિયા પર મિસ્ટ્રી ગર્લ, ચાહકોએ કહ્યું- આ માટે માત્ર મેચ જોઈ

Karnavati 24 News

 સુત્રાપાડા કોલેજ માં યોજાયેલ આંતરકોલેજ હેન્ડ બોલ સ્પર્ધા

Karnavati 24 News

દક્ષિણ આફ્રિકાને લાગ્યો ઝટકો, ટીમના સ્ટાર પ્રિટોરિયસ વર્લ્ડકપમાંથી થયો બહાર